مش غضبان ولا ثاير
ولاحتى دمى فاير
ما القرش مبقتش طايل
اديتنا علاوه باليمين
وغليت السولار والبنزين
طب عقبال متلغى التموين
يخوفى للحصل يتكرر
والجعان يرجع يكسر
وساعتها هيبقى خراب مش اكتر
هلومه أزاى مهو محتاج
مش لاقى اكل او علاج
غيره واخد حقه
وقاعد فى قصر عاج
الصبر لو طال
هيجى يوم ينتهى
الحلم لو ضاع
مينفعش تانى يبتدى
العقل لو سيطر
الجوع مش هيخليه يهتدى
28 قالوا رأيهم:
اولا مبروك عليه اني اول تعليق
ثانيا والله لولا اني اخاف اجرح شعور البنات اللي بتدخل مدونتك كنت رزعت كلمتين على موضوع البنزين والسولار ده بس بردو عشانهم هسكت
المهم الله يلعن ابو البلد دي انا حاولت كتير اقاوم واقول انا هكمل بره مصر بس بجد مش هينفع
البلد مابقاش يتعاش فيها
الله يلعن دى بلد ويلعنا احنا كمان والله احنا اللى نستاهل بسكوتنا وحلال فينا اللى بيحصلنا
ومين قاللك ان التموين مش هيتلغي؟
هيتلغي اكيد برضة..واكيد برضة هيكون في مبرر يتقال
واكيد اكيد برضة مش هيحصل اي حاجة وسيكون الصمت الرهيب
تحياتي واحتراماتي
ايه يا باشا
انا لو منك ابعت الكلام ده مجلس الشعب
وانا مش هسيبك متقلقشس
انا هبعتلك عيش فينو وحلاوة الميزان فى السجن او المعتقل اللى هيستضيفوك فيه
هههههههههههههههههههههههههه
سلالالالالالالالالالالالام
ابو حنفى
جميل موضوعك بس انت نسيت متش الزمالك
مش برضه ده فرحك شوية خمسه يا مفتريين
الضرب فى الالمونيوم حرام
سعيد بما كتبت وطبعا ربنا يستر علينا
ده كان شئ متوقع ماهو الحداية مابتحدفش كتاكيت
مش عارفة لية الكل ساكت
هو احنا خلاص قلوبنا ماتت
هل الصمت اصبح عادتنا
ولا الامل لسة فى حياتنا
مفيش حرية مفيش احرار
خلوا بلدنا فى احتضار
خليهم يقفوا فى طابور عيش
يارب يروحوا وميرجعوش
تعالوا نروفع ادينا وندعى ونقول
ياااااااااارب
على ناس مبقاش فى قلوبها رصيد
ماهم خلونا على الحديد
حتى الحديد مش هنعرف نكون علية
لانة اصبح لية سعر
دمنا بكل حب ودة مش هيعرفوا يشيلوا الدعم من علية
رندا
بكرة هيزود 50 % و يزود اسعار السله 100 %
لك الله يا مصر
و لك الله يا شعب مصر
كلامك جميل والله
ربنا يستر على البلد وعلى الناس
والله البلد هتولع وهما طيارتهم جاهزه على بره ربنا يستر
وائل باشا
ازيك ياهلاوى يجميل
حكايه مش هتنفع دى انا مش معاك فيها
انا بس خايف من الممكن يحصل
قطه
انا معاكى اننا نستاهل
انا مش عارف السلبيه لحد امتى
أحمد باشا
منور المدونه
ويعم لو التموين اتلغى يبقى حفاظ على صحه الشعب
بدل السكر المبيسكرش لكن بيصفر الميه
فمعتقدش انوا هيتلغى
حدوته
قشطه يمان اتفقنا
بس اوعى تخلى بيا
استاذ حسن
مبروك الالمنيوم وعقبال الكاس
موناليزا
ربنا يستر ومنورانى
رندا
اضافتك هايله
ويارب
بس لازم احنا كمان
رانيا
منوقع بس ربنا يستر
رنا منورانى
والف شكر
وربنا يعديها
ههههههههههه
جميله ومؤثرة ومفهومه
ليا ملاحظه بس هوه كل حاجة هتغلى والبركة فحبيب الملايين اللي ابتداها من الاول
يتربى في "عزو" حديد عزو
ربنا على الظالم
تحياتي
اديتنا علاوه باليمين
وغليت السولار والبنوين
انا كنت برده حاسه ان العلاوه مطمنش
دى حاجه غريبه متعودنهاش من جدو
بس لو ناصحين كانو يستنو حتى شهر بس يلا
عشان منتعودش على التبزير
اهنيك على البوست ده
تقبل تحياتى
لا واللى يغظيك ان الكل ساكت ولا على باله
الراجل ده مش بيخاف من ربنا
علاوه ما تمت خدها الغراب مبارك كعادته وطار
تحياتى ولاء
الله عليك بجد يابو حنفى
اللى بيخصل لنا دا والله يصعب عالكافر
بس هم انيل م الكافر
احييك
هى دى سياسيه قرعيا الكبرى
تحياتى ليك سومه_87
وايت هارت
منورنى يمان
وربنا يبارك
روينا
التبذير
اه
فعلا انا مبذر جدا
مش عارف اعمل ايه
كل يوم بركب الميكروبص
وبكل 3 وجبات
حاجه غريبه
ولاء
الكل مش ساكت
لا موافق
بنت مصريه
ولا يهمك
الكفار خلصوا
سومه
منورانى
فينك من زمان
قرعيا ومهلبيه
ولا يهمك
إرسال تعليق